ಹುಚ್ಚು ಪ್ರೀತಿ - ಇದೇ ರೀತಿ

ಹುಚ್ಚು ಪ್ರೀತಿ - ಇದೇ ರೀತಿ

ಅಂದು
ನೀನೆಷ್ಟು ಒಳ್ಳೆಯವನೆಂದು ಮೆದುವಾಗಿ ಮುಖ ಮುಟ್ಟಿ
ಬಾಚಿ ತಬ್ಬಿಕೊಂಡ ಆಕೆ,
ಮನದಲೇ ತನ್ನಿಂದ ನಿನಗೆ ಎಲ್ಲಿ ನೋವಾಗಬಹುದೋ
ಎಂದು ನೊಂದುಕೊಂಡ ಆಕೆ,
ಪ್ರತೀ ಮಾತಲು ಖುಶಿ ಹುಡುಕಿ ಮನದಲೇ
ಮುದಗೊಂಡ ಆಕೆ,
ಎಂದೂ ಬತ್ತದ ಜೀವ ಸೆಲೆಯಂತೆ ಮುತ್ತಿಟ್ಟು
ಎದೆಯೋಳಗಿಳಿದ ಆಕೆ,


ಇಂದು
ತುಂಬಾ ಒಳ್ಳೆಯವನಾದ ನೀನು ಎನ್ನ ಒಲವ
ಪಡೆಯಲಾರೆ ಎಂದು ಖಟು ನುಡಿದಳಾಕೆ.
ಖುಶಿಯ ಬಟ್ಟಲಲಿ ಹೇಗೋ ದ್ವೇಷದ ಕಲ್ಲ ಹುಡುಕಿ
ಎದೆ ಬಗಿದು ಜೀವವ ಪಾತಾಳಕೆ ಹುಗಿದು ಹೋದಳಾಕೆ.

ಆದರೂ ಎದೆಯಲಿ ಬತ್ತಿಲ್ಲ ಈ ಹುಚ್ಚು ಪ್ರೀತಿ
ನೆನಪಿನಂಚಲಿ ಅಚ್ಚಳಿಯದೆ ನಿಂತಿದೆ ಅದ ಆಕೆ ಕೊಟ್ಟ ರೀತಿ.
ಬದುಕು ಬರಡಾಗೋ ಮೊದಲು ಅನುರಾಗದ ಸೋನೆ
ಮತ್ತೆ ಸುರಿಯುವ ಆಸೆ ಮಾತ್ರ ಇನ್ನೂ ಹಸಿರಾಗೇ ಇದೆ.