Pages

Subscribe:

Monday, February 27, 2012

ಯಾಕೆ ಹೀಗೆ ??


ಬಾಳ ಸಲಿಗೆಯಲಿ ಪ್ರೀತಿಯಿದೆ,
ಅವಳ ನೆನಪಲಿ ಅದೇನೋ ಹಿತವಿದೆ,
ಪ್ರತಿ ಉಸಿರಲು ಅವಳ ಹೆಸರಿದೆ,
ಪ್ರೀತಿಯ ಎಲ್ಲ ಪದಗಳು ಅವಳಿಗೆ ಸಂದಿವೆ,
ನಾಕಾಣೆ ಯಾಕೆ ಈಗೀಗ ಅವಳ ಮನಸು,
ದೂರ ಬಹುದೂರ ಸಾಗಿ ಹಿಂತಿರುಗಿ ನಗುತಿದೆ.

-ವರುಣ್ ಕಂಜರ್ಪಣೆ.

Friday, February 24, 2012

ಪ್ರೀತಿಯ ರಸೀತಿ

ಮೌನವೆಂಬ ಸಾಗರದ ಅಂಚಲಿ ನಿಂತಿಹ ಎನಗೆ,
ಒಲವಿನ ಚಂದಿರ ಮೂಡಿದಾಗ ಅಂತರಂಗ ಉಲಿಯಿತು,
ಕಣ್ಣಲಿ ಆ ಚೆಲುವಿನ ಚಿತ್ರಪಟ ನಲಿದಾಡಿತು,
ಮತ್ತೆ ಮುಳುಗುವನೆಂಬ ಕಹಿ ಸತ್ಯ ಸುಳಿದಾಡಿತು,
ರೆಪ್ಪೆ ಕಪ್ಪೆ ಚಿಪ್ಪುಗಳಂತೆ ಒಂದನ್ನೊಂದು ಅಪ್ಪಿಕೊಂಡಿತು,
ಮನದ ಭಾವದ ರಸೀತಿಯಂತೆ ನಾಲ್ಕು ಹನಿಗಳು ನಯನಗಳ ತೋಯ್ದನ್ಥಾಯ್ತು.
-ವರುಣ್ ಕಂಜರ್ಪಣೆ.

ಅವಳ ನೆನಪು

ಜೀವ ಸೆಲೆಯಾಗಿ ನೆಲೆಯಿತ್ತ ಮನಸೀಗ,
ಕತ್ತಲಿನ ಬದುಕಲ್ಲಿ ಬಂಧಿಯಾಗಿಸಿ ದೂರ ಬಹು ದೂರ ಸಾಗಿದೆ.

ಜತೆ ನಡೆದು ಮತ್ತೆ ಸೇರುವ ಕನಸು ಸುಪ್ತವಾಗಿರಲು,
ಕೈ ಕಾಲು ದಣಿದು ಸೋತು ಇಳೆಯನು ಮುತ್ತಿಕ್ಕುತಿದೆ.

ಇಂದು ನಾಳೆಗಳ ನಡುವೆ ನಿನ್ನೆಯ ಸುಂದರ ಸೊಬಗು,
ಮಸನದಾಚೆಯ ಸಿಹಿಯಾದ ಅಳಿಸಲಾಗದ ಕಾಡುವ ನೆನಪುಗಳ ಕಲೆಯಾಗಿದೆ.

-ವರುಣ್ ಕಂಜರ್ಪಣೆ.